Ýno maĺo kére mjasto we Ojropje może śe pochlubić takým tympym rozwoju. Mjasta śe zwykle rozwijajóm poleku, od maĺych osad, bez zorgańizowane dźedźyny a zaĺożóne ńykedy we Strzedńich Wjekach mjasto s rynkjym, obranńymi muróma, abo tyż zómkjym kole jigo. We Katowicach ńic takýgo ńy snojdymy. To mjasto śe smjyńiĺo s dźedźyny w metropolijo mrukńyńćym oka.

Intynsywny rozwój industryje w tyj tajle Ojropy, kéry wymagoĺ gibki przipĺyw inwestycyje a moc roboćorzý, nale tyż swojisty przipad smjyńiĺ dźedźyna Katowicé we mjasto. Stoĺo śe to pómjerńy ńydowno, we 1865 roku. Potym Katowicé rozwijoĺy śe tympym choby dźiśyjszý Dubaj - ostatńi wjejský chaĺpy sómśadowaĺy s wjelgomjejskými kamjeńicóma, tak jako dźiś betónowe bjurowce se szklanńymi chmurodrapóma!

To co może być do inkszých szokým je to, co do Ślónzoków Katowicé ńyma gĺówný mjasto Ślónska. Rodzóne Ślónzoki patrzóm na Ślónsk szérzij a wjedzóm co Wjyrchńi Ślónsk to je tyż Opole, a coĺki Ślónsk to je Wrocĺow. Ślónzoki majóm ale do Katowiców srogý powożańi - je to dó ńich wjelgý a śilný mjasto, kére Ślónsk a ślónskość mo we swoji zocy. Ślónzoki czujóm śe w Katowicach u śebje - je to jejich mjasto!

Katowicé bóĺy tyż do Ślónzoków bez wjela lot powodym ku gańbje. Ostatńo wojna ńy sńiszczóĺa Katowiców, nale wyglóndoĺy óne oszkliwje, a ślónsko historyja tégo mjasta bulóno. Térozki Katowicé stoĺy śe doprowdy szýkowne a pómjészkańcy ńy muszóm skiż swojigo mjasta mjeć kómpleksów. Dobrze o tym pado we swojým filmje Niklaus Pieron (trefjo śe co po polsku, nale idźe moc filmów od ńigo podźiwać po ślónsku):

Przipadność

Liczby